من قصائد المرحوم الشاعر راشد بن علي بن عميرالمري رحمه الله
ياسامع اسمع لاتفوتك نصيحتي******** تراها لعراف المعابير زينه
لاتحسبن العز بالمال والنسب ******** العــــز فيمن عزه الله بــدينه
المال ماينفعك في ماقف الحشر *** *****مال الفتى الا ماتقدم يمينه
قدم لدينك ماتزكي به العمل *** ****وجعل رضى مولاك بينك وبينه
وترى والدينك ثابتات ن حقوقهم ******* فلا تعاملهم بنفس ن رزينه
ولاترقد امك ليلة ن منك ساخطه *** *وترتاح وامك من ولدها حزينه
وترى رضالله في رضا والدينك ***ويغضب على من جار في والدينه
ون مارحمك الله حياتك تعطلت *** هو خالق ن اصلك من الماوطينه
ون مت لاتحسب حياتك تعودلك *********هيهات فاتتك الحياة الثمينه
ماتبعث الا ساعة الحشر والنشر ********ياويل من ضيع حياته ودينه
احدن كتابه في شماله بماجنا***********واحدن كتابه ياخذه في يمينه
ويحدن يشوف بجنة الخلد مسكنه *****ويفرح بشوف اللي يشوفه بعينه
فهاذاك في ماراد ياخذ من الجزى ****وهذا بدل ممشاه في عكس دينه
ومن يقبل الهين بعانيه والخوي*********سوداه في وجهه بعالي جبينه
لاتقبل الى جاك في جارك الرضى *****من هان جار البيت خلك تهينه
والضيف عجل في وقاره الى هشل *****ولاتذبح الهزله وعندك سمينه
لاجاك رحب به وقم له بواجبه ********* ترى سخي النفس ربه يعينه
ولاتهجر المسلم ولو كان هاجرك ****** لوكنت من شوفه تحس بغبينه
وخلك من اللي عالي ن مستواهم ***واحرص من النفس الدلوخ المهينه
وقم صل تال الليل لانامو العرب ***********للي مسيله مايخيب يدينه
ولاتعاهد كون من يوفي العهد ***÷÷÷÷ اهل العقول الزاكيه والسكينه
وترى الرجال ابهم ملاذمن القشر ** ملاجي ن مثل الحصون الحصينه
ولاتنهر السايل الى جا لحاجته *********** ولاتقابل لــه بنفسن متينه
